Su’aalo la waydiiyay sheekh Cabdikariim xasan xoosh Q.1aad

 

Su’aasha 1aad : Maalmaha Ramadaan iyo Habeenada Ramadaan kee fadli badan?

 

Habeenada ramadaan ayaa ka fadli badan maalmaha ramadaan sababtoo ah habeenada ramadaan waxaa ku jira habeenka “Laylatu Qadriga’, habeenkaasina waxa uu ka khayr badan tahay kun bilood oo aanu “Laylatu Qadrigu ‘,ku jirin Allaah waxa uu yidhi :

{ليلة القدر خير من ألف شهر,3}

“Habeenka laylatu Qadrigu waxa uu ka khayr badan yahay kun bilood.”

Maadaama oo la inaku dhiiri galiyay u dadaalidda habeenkaasi ,fadli kaas lamid ahna aan maalmaha ramadaan loo sheegin ,Isla markaana fadli aad u wayn laga helayo Sidoo kale waxa u uku jiraa 10-ka dambe ee bisha ramadaan taasi waxa ay ina tusinaysaa in habeenada bisha ramadaan ay ka fadli badan yihiin maalmaha bisha

 

Su’aasha 7aad: Soonka bisha ramadaan cidda waajib nimadeeda inkirta xukunkeedu muxuu noqonayaa ?

 

Soonka bisha ramadaan cidda dafirtaa waa ay gaaloobaysaa waxana ay noqonaysaa mid Allaah ka kufriday sababta oo ah waxa ay beenisay Qur’aanka iyo Sunnada nabiga (Scw) Allaah waxa uu quraanka ku yidhi :

يا أيها الذين آمنوا كتب عليكم الصيام كما كتب على الذين من قبلكم لعلكم تتقون  زالبقرة 86

“ Kuwii Iimaanka laga helayoow ,korkiina waxa lagu faral yeelay soon,Sidii loogu faral yeelay ummadihii idinka horeeyay .

Nabigu (Scw) waxa uu yidhi:

بُنِيَ الإسلامُ على خمسٍ شَهادةِ أن لا إلَهَ إلَّا اللَّهُ وأنَّ محمَّدًا رسولُ اللَّهِ وإقامِ الصَّلاةِ وإيتاءِ الزَّكاةِ َوالحج وصَومِ رمضان : أخرجه الشيخان

“ Islaamka waxa lagu dhisay shan tiir ; - Waxa kamid ah – Soonka bisha Ramadaan.”  Muslimiintuna waa ay ku kalsoon yihiin in cidda inkirta waajib nimada soonka bisha ramadaan ay ku gaaloobayso Isla markaana noqonayso gaal islaamka debada uga baxay .

 

Su’aasha 3aad: Maxaa uu yeelayaa qofka salaado iyo soon badan ay ka tageen ?

 

Culumadu aragtiyo kala duwan ayaa ay ugu kala tageen Ma’aladan hase ahaatee Aragtida ugu qumman badanka culumaduna ay qabaan waxa ay tahay in qofku uu soo qalleeyo dhamaan salaadihii iyo soonkii ka tagay waxa ayna u daliishadeen xadiiska nabigu uu yidhi :

فدين الله أحق أن يقضى " أخرجه الشيخان